مطبخ أم عدة

زلابية البنان وكاين لي يقولها صبع القاضي

الوصفة :

زوج كيسان فرينة لي يرفد 200 ملل و الكاس الثالث فيه مغرف كبيرة سميد رطب و نكمل للنصف الكاس بالفرينة انا زدت على المغرف تاع السميد حوالي زوج مغارف معمرين فرينة باش كملي نصف الكاس ونتوما كل واحد والكاس المستعمل
مغرف كبيرة لفاني و نخلطو النواشف
في كسرونة نحط زوج كيسان ماء .. 4 مغارف كبار زيت .. 2 مغارف كبار عسل . نص مغرف صغيرة ملح و نخلطو و نحطوهم فاوق النار كي يغلي الماء نطفو النار و نزيدو عليه خليط الفرينة و نخلطو ملييييح حتى تولي عجينة ملساء و مافيهاش حبيبات الفرينة .. نعمرو العجينة في لابوش ( كيس حلواني و نشكلو و نخلو الزلابية تريح من ساعة ونص لزوج سوايع .. انا خليتها زوج سوايع
منبعد نقلوهم على نار متوسطة في زيت غزير لازم حتى يولو باللون البني الغامق و نصفوهم م الزيت ونعسلوهم في عسل مخلط بشوية ماء الزهر ويكون عسل ثقيل و بصحتكم

زائرنا الكريم : رجاءآ لاتنسى الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*