مطبخ أم عدة

تليتلي مرق احمر

اولا نحمص التليتلي في مقلة حتى يصبح لونه دهبي و نفوره فوق القدر المرة الأولى ما تزيديلو والو و تخليه يفور 15 د و بعدها نرشه بكاس ماء و شوية ملح بلا ما تنحيه من الكسكاس و تخليه يفور 15د تم زيدي رشيه بكاس ماء و خليه يفور 15 د
و من جهة طيبي المرق الاحمر
في كوكوط ديري أطراف دجاج مع شوية زيت و حبة بصل كبيرة مسكرفجة و سنينات توم مسكرفجين و حبة طماطم مسكرفجة و قلي و تبليه بالملح والفلفل الأسود و الكركم و العكري و راس الحانوت و م ك طماطم و كمشة حمص و 2 حبات جزر مع 2حبات قرعة مع 2 حبات بطاطا مرقي و خليها اطيب
و كي اطيب الخضر و الدجاج تنحيهم و ارمي التليتلي في المرق و خليه يكمل طيابو و كي يشرب المرق ارميلو مورسو زبدة انا درتلو تاع البقرة جات تهبل
و عند التقديم زينيه بالخضر و الدجاج و البيض مغلي

تليتلي في الفرن بصوص بيشاميل

المقادير

- 1 عبر تليتلي
- 2 عبر ماء
- 1 بصل
- لحم مفروم
- 1 فص ثوم
- 1 م ك طماطم مصبرة
- جبن مبشور
- معدنوس
- مقادير البيشاميل:
- 1 او 1.5 م ك زبدة
- 1.5 م ك فرينة
- 2 كأس حليب ساخن
- 4 جبن مثلثات

طريقة التحضير :

نحمص جيدا التليتلي في قليل من الزيت مع الملح و الفلفل الاسود حتى تأخذ لون ذهبي ثم نضيف 2 عبر ماء و نتركه حتى يبدأ يغلي ثم نغطيه ونتركه على نار قليلة حتى يتشرب كل الماء
لتحضير الحشو نذبل جيدا البصل في قليل من الزيت ثم نضيف اللحم المفروم و نقليهم قليلا و نضيف الثوم مبشور و الملح و الفلفل الاسود, بعد ذلك نضيف الطماطم المصبرة و المعدنوس و نقليهم جيدا و في الاخير نضيف 1/2 كأس ماء و نخلط قليلا ثم نطفئ النار

بعد ما يتشرب التليتلي كل الماء نطفئ النار و نتركه مغطى 10 دقائق قبل اكمال باقي الخطوات
لتحضير صوص البيشاميل نحمص الفرينة جيدا في الزبدة ثم نضيف الحليب الساخن و نخلط جيدا ثم نضيف الملح و الفلفل الاسود و الجبن مثلثات و نخلط حتى يذوب الجبن
نضع طبقة اولى من التليتلي في قالب فرن ثم نضع طبقة بكل الحشو ثم نضيف طبقة اخرى بباقي كمية التليتلي ثم نغطي كامل الوجه بالبيشاميل و نضيف طبقة من الجبن المبشور و ندخله للفرن ساخن على 200 درجة حتى يتجمر و يأخذ لون ذهبي
نتركه يبرد قليلا قبل التقسيم
بالصحة و الهنا 

زائرنا الكريم : رجاءآ لاتنسى الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*