مطبخ أم عدة

 الحسوة البسكرية 

طبق تقليدي شعبي تمتاز به ولاية بسكرة مثل الدوبارة

المقادير:

2 حبات لفت ( خردل)
فول اخضر او قرعة خضراء انا استعملت القرعة واللفت
2 حبات طماطم
3 م ك طماطم مصبرة
5 الى 6 فصوص ثوم
ملح + فلفل حار +
شوية فرينة + سميد
دبشة وكرافس
فلفل اخضر حار
للتزيين
قارص + زيتون + فلفل مرقد

الطريقة

- في قدر على النار نحط كمية من الماء ونقطع حبات اللفت دوائر متوسطة مع القرعة ونتركها تغلي حتان تطرى شوية
- في اناء اخر نبرش الثوم
ثم نضيفلة 3 مغارف كبار زيت + التوابل ملح وفلفل حار
ثم لطماطم المرحية + الطماطم المصبرة
- بعدما يطرى اللفت و القرعة
- نضيف خلطة التوابل والثوم والطماطم ونحرك قليل ونتركها على نار متوسطة
- نحضر 3 م ك فرينة + 3 م ك سميد
ثم نضيفلها حوالي كاس ماء دافيء ونخلط جيدا
ونضيفه الى المرقة اللي على القدر ونهدىء النار ونواصل الخلط
حتى لا تلتصق في قاع الطنجرة
ونضيف معاها فلفل اخضر حار
حتى تخثار ونطفي عليها ونضيفلها كميةا لدبشة والكرافس المقطعة
للتقديم
في طبق التقديم نحط الرقاق المحضر مسبقا
ونسقيه بالمرقة وعصر القارص ضرورية مع حبات زيتون ورشة دبشة

الوصفة الثانية :

 الحسوة البسكرية بالفرينة

 المكونات

قرعة خضراء
فول اخضر
حبة طماطم
3 م ك طماطم مصبرة
5 الى 6 فصوص ثوم
ملح + فلفل حار
شوية فرينة
دبشة وكرافس
فلفل اخضر حار
للتزيين
قارص + زيتون و فلفل مرقد

الطريقة :

اولا نغلي الفول الاخضر مع القرعة مقطعة قطع صغيرة مع الماء مع قليل من الزيت على النار حتى يطهى

- في دلك الحين نهرس الثوم والملح والفلفل الاخضر في المهراس ونضيفه للقدر ثم نربي حبات الطماطم ونضيفها ايضا مع الطماطم المصبرة والفلفل الاحمر الحار ونترك الكل يغلي على نار هادئة
- نحضر 3 معالق كبيرة فرينة نضيفلها حوالي كأس ماء دافيء ونخلط جيدا ونضيفه الى المرقة اللي على القدر ونهدىء النار ونواصل الخلط حتى لا تلتصق في قاع الطنجرة ونضيف معها فلفل اخضر حار.
عند إطفاء النارنضيف لها كمية المعدنوس المقطعة.
للتقديم :
في طبق التقديم نحط الرقاق المحضر مسبقا ونسقيه بالمرقة وعصير الليمون ضرورية مع حبات زيتون ورشة دبشة وكرافس

زائرنا الكريم : رجاءآ لاتنسى الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*