مطبخ أم عدة

بعض أسرار نجاح الحلويات 

 

1-المقروط من الاحسن يبات ليله كاملة باش تخدمي بيه ويتعسل 2 مرتين و الثالثة عند التقديم
2_حشو البقلاوه زيديلو جلجلان مرحي رح يمدلك بنة روووووعه
3-لي صابلي متكثريش الفرينة ومتعجنيهاش لمي برك استعملي صفار لبيض فقط البياض يقسحها ومن الاحسن تخليها تريح نص ساعه ف الفريجيدار امبعد اخدمي
4-استعمال المايزينه (النشاء) لحل العجينة احسن من الفرينة
5-عقدة العرايش متكثريلهاش السكر لانو رح تڨلاصيه ولميها بالزبدة ذايبه او سمن باش تبقا طريه اياكي تلميها بماء الزهر
6- ڨلاصاج الشوكولا السوداء ديما زيدلو مغرف زبدة للمعان او زيت اما الشوكولا البيضاء ممنووووع تزيدلها اي حاجة ⚠
7-القريوش اقليه ف زيت جديدة ومباشرة حطيه فعسيله خفيفه عند تقديم ديري شوي عسل من فوق و رشي عليه شوية جلجلان
8-اذا جاتك الحلوى يا بسة حطيها في علبه محكمة الاغلاق وحطي معاها طرف خبز يابس
9-حشوة القنيدلات او دزيريات زيديلها شوية خميرة باش تطلع والحشو (كوكاو او لوز ) و غربليه ملازمش يكون خشين
10-ڨلاصاج العرايش كيلة ماء زهر كيلة حليب كيلة زيت +سكر طبعا من الاحسن كيلة تكون صغيرة بش ميبقاش ويروح خسارة (ڨلاصاج مضمون ويبقا طري لمدة طويلة)

*****************

 صابلي المربى

 

المكونات

250غ زبده حرارة الغرفة
رشة ملح
كأس سكر ناعم(وزن 125غ)
صفار بيضة وحبة بيض كاملة
نص كأس نشاء
ملعقة صغيرة فانيليا
3 او 4كؤوس فرينة(طحين)أو أقل علي حسب
قرصة خميرة
2ملاعق ك كاكاو
التزيين
مربي +شكولاطه+رقائق شكولاطة

طريقة تحضير

اخلطي الزبده وسكر باليد أو ضرب كهربائي جيدا نضيف البيض وفانيليا ونخلط جيدا حتي يتجانس الخليط ونتحصل علي كريمة نضيف نشاء ثم الكاكاو رشة الملح ونجمع الخليط بالطحين بدون عجن لي نتحصل علي عجينه طرية تضعها في كيس ونتركها ترتاح 10 دقائق ثم تفتح العجين في كيس بلاستيكي ونطبع نسخن الفرن ثم ندخلها علي درجة 170° بعد ماتبرد نزين الحبات المفتوحه بشكولاطه ورقائق الشكولاطه نتركها تجف ثم نلسق الحبات بالمربي
وشهية طيبة احبائي

زائرنا الكريم : رجاءآ لاتنسى الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*