مطبخ أم عدة

 قلب اللوز سريع

- السلام عليكم ورحمة الله و بركاته ،اليوم نعطيكم وصفتي المعتمدة في قلب اللوز السريع يعني لما نكون مضطرة نطيب قلب اللوز في فترة قصيرة ،طبعا الوصفة التقليدية لا يعلى عليها لكن هاذي وصفة اقرب نوعا ما لقلب اللوز تقليدي

- العجين

- 500 غ سميد نصف خشن او متوسط
- 250 غ سكر
- كاس كاس ماء زهر + ملعقة عطر ماء زهر
- كاس زيت
- رشة ملح
- ملعفة صغيرة فاني
- الشاربات
- 500 غ سكر
- لتر ماء
- شرائح ليمون

- الطريقة

- اولا نحضرو الشربات نحطو السكر فوق النار ونبقاو نحركو حتى ياخذ لون كراميل فاتح نفرغو عليه الماء ونحطو شرائح الليمون بمجرد يبدا يغلي نخفظو النار الى درجة متوسطة ونحسبو 15 دقيقة ثم نضيفولو كاس شاي ماء زهر ونغلقو عليه ونخلوه يبرد جيدا
- نحضرالخليط : نحطو السميد مع السكر نحركوهم جيدا مع رشة الملح و الفانيلا ،من بعد نحكمو نخلطو كاس زيت مع كاس ماء زهر نحركوهم جيدا ونبداو نعجنو بيهم هاذاك السميد نفرغو بالشوي ونحركوه بين ايدينا جيدا تبقاو تحكو بيديكم حتى تحسو بلي الخليط يتلاصق في اليد و بدا هاذاك السميد كانو بدا يتعلك و يظهر سائل ابيض نتاع السميد يشبه للحليب،
هنا كمية الزيت وماء زهر حسب نوعية السميد ممكن يكفيكم كاس ممكن تزيدو ضوكا عينكم ميزانكم .
- نغسلو سينية نتاعنا بالماء وننفضوها بلا ما نمسحوها ونفرشو فيها قلب اللوز نتاعنا ،نذوبو زوج مغارف زبدة او سمن ووندخلو ملعقة او قاطعة العجين في هاذاك السمن ونسويو بيه سطح قلب اللوز ،نقطعوه ونرشقو حبات اللوز و نطيبوه على 200 درجة فرن مسخن مسبقا حتى ياخذ اللون الاحمر لبني لازم يطيب مليح ،مباشرة نخرجوه ونسقيوه بالشاربات نتاعنا حتى يتشرب جيدا ونخليوه يريح على الاقل 6 ساعات او اكتر باش نستهلكوه .
- حجم الصينية يكون قطرها بين 28 / 30 سم
- بالنسبة الي سالوني على اللبن او الحليب او الخميرة في قلب اللوز نقولكم انو استعمالها في الوصفات سريعة باش يعطيو لقلب اللوز هشاشة يجي يتفتت ماشي حاكم روحو ،
- في المحلات يستعملو ملعقة حليب غيرة على جال باش يساعدهم في الطياب و الحصول على اللون

زائرنا الكريم : رجاءآ لاتنسى الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*