مطبخ أم عدة

 بسيسة ساحلية

 المقادير:

طاسة قمح( عشورية ) 

1 كغ حمص تشريه شطور من عند توبلي

500 غ عدس أصفر

500 غ فول مصري

50 غ حبة حلوة

50 غ بسباس

50 غ تابل

 شواشي ورد

قشور بردقان

طريقة التحضير :

تقلي على نار هادئة كل حاجة وحدها في الأخير تحمص شوية التوابل+قشور بردقان وشواشي ورد وبعد ما تبرد إتزيد 1 كغ سكر و- ترحي في طاحونة.

بسيسة قمح بالفاكهة: 

 المقادير :

 كيلو و نصف حمص بلدى جويد

 و كيلو و نصف قمح بالنسبة الى اتحب تعمل اكثر اتنجم المهم قد الحمص قد القمح

 و نصف رطل تابل

 و نصف رطل عدس بقشور

و حبة حلاوة 100غ

 بسباس 100غ 

اتنجم تعمل حلبة و قشور بردڤان اختيارى للى يحب الحلبة

الطريقة :

اتنقى كل المكونات بالباهى كل حاجة وحدها و اتغربلهم كل حاجة وحدها و بعد تبدى اتحمص الحمص فى مقلاة و الا فى الفور المهم لازم اتكون واقفة عليه و ديمة اتحرك باش ما يتحرقش حتى لين يأخذ اللون الذهبى و اتولى معاش اتنجم اتشدو بيدك و اتكمل اتحمص بقية المقادير بنفس الطريقة و بعد ما اتحمص كل شيء اتخلطهم مع بعضهم و اتحطهم فى كيس قماش او غطاء مخدة نظيف و اتهزهم للماكينة اي الى يرحى البقول و بعد ما ترحيهم اتعاود اتغربلهم و اتخلطهم اتنجم اتخلط كمية صغيرة او اتخلط الكل و اتحطهم فى اسطلة و بالنسبة للتخليط لازمك فاكية المقدار الى اتحب عليه و الى موجود لوز او بندق او كاكاوية و اتحمصهم و اتهروشهم و جلجلان 400غ اتحمصهم و ترحيهم و اتحب سكر محور او شامية و عسل اختيارى و اتنجم اتحط دڤلة مقطعة و شريحة اتخلط كل المقادير مع بعضها بالزيت زيتونة و اتحرك بالباهى و بعد اتحط فى الصحافى و اتزين كيما اتحب من الفوق و بالشفاء

بسيسةِ الدردورة

الدردورة بسيسة بنينة برشة وخفيفة تتقدم في اي وقت في الصباح مع قهوة حليب والا في العشية كلمجة مع قهيوة كحلاء والا كويس روزاطة والا سيترون وهي في الاصل تتعمل كيف تقرب المرا باش تولد باش تفرقها على عاءلتها في صحيفات الصغار نهار السابع بعد ماتولد المرا وتقدمها زادة للي باش يجي يهنيها في الدار تتحط على الطاولة مزينة كل واحد كيفاش يحب يزينها ومعاها اروزاطة اللوز تكون باردة وهاذي طريقة تحضيرها وقبل كل شي

المكونات

3 كغ حمص مقلي يتشرا حاضر
3 لتر قمح(يعني 1.600 كغ تقريبا اي طاسة كبيرة)
1 كاس تاي حبة حلاوة
1 كاس تاي بسباس
قشور برتقال

الطريقة

 في القلاي نسخنو الحمص على نار متوسطة ومن بعد نحيوه ونحطو نقليو القمح موش الكل مع بعضه بشوية بشوية من غير مانحرقوه ومن بعد نسخنو قشور البرتقال وحبة الحلاوة والبسباس
بعد ماتبرد جميع المكونات نزيدوهم حفنة ملح ونرحيوها عند الرحاي ومن نغربلوها بغربال الشعر (اجود غربال عندنا) ثم نخلطوها بزيت الزيتونة والسكر المحور وصحة وفرحة
ملاحظة هاذي طريقتي في تحضير الدردورة فما برشة طرق اخرين فما الي يعمل قد الحمص قد القمح فما الي يعمل الحمص اكثر وفما الي يعمل القمح اكثر وفما الي يزيد فيها افاحات اخرين كل واحد وذوقو
ان شاء الله تجربو طريقتي وتعجبكم ولاحظو انو الون لازم يكون اصفر مزيان
صحة وفرحة

 بسيسة درع و جلجلان

 

 بسيسة درع و جلجلان بكلها منفعة =كغ جلجلان نضفت و حمست و إنحط وحدو

كغ درع نضفتو و حمست ومعه كغ. عدس بقشرة حمسو+رطل حمص متع بسيسة 50 غ بسباس+50 غ حبة حلاوة+50 غ تابل+قشور برتقال+شواشي ورد إختياري نرحي كل وجلجلان تيترحى وحدو ومن بعد إنخلط اكل بزيت وسكر أو عسل وصحة بشفاء

بسيسة دلولة هايلة للصغار 

 

كيلو قمح
كيلو حمص
كيلو عدس
200غ تابل
100غ بسباس
100غ حبة حلاوة
قشور برتقال
عود كركم
مغرفة حلبة
الفاكية رحيتها وحدها غربلتها وخلطها مع البسيسة
جربوها منفعة صافية ...

زائرنا الكريم : رجاءآ لاتنسى الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*